sangura D.A.L. Pest Control

Loke ta pasa ora sangura pika bo.

Sangura ta un insecto cu ta disimula y molestia. Hopi biaha bo ta ripara cu bo a wordo pika te despues cu paar minuut of asta oras.  E grawatamento, hinchamento, irritation…tur señalnan comun di un pika di sangura. Segun un estudio, tin hende cu geneticamente ta atrae sangura.

E video abou ta demonstra con un sangura ta usa parti di su boca cual ta wordo jama proboscis, pa busca sanger den su victima. E video aki a wordo captura door di Valerie Choumet y su coleganan for di Instituto Pasteur di Paris, nan a observa door di un microscope con un sangura ta haña su caminda den un raton cu ta riba anestesia.

Mane nos por wak, e parti di e sangura su boca cu ta parce un hangua ta hopi flexibel. Esaki ta hasi cu e no mester saka su proboscis cada bes…sino e por busca un area grandi di e victima cu un solo pika.

Anatomia di Sangura

Anatomia di Sangura

E sangura su proboscis ta consisti di dos parallel “tubo”, un ta manda e saliva y e otro cu ta chupa e sanger. Ora e sangura haña su cuminda cual ta sanger mane por mira riba e video abou, e ta manda saliva den e victima y e saliva ta traha mane un aspirina y anti-clog, pesey bo no ta sinti e pika immediatamente sino te despues cu e pika a sosede kaba. Mane por wak tambe con e sangura ta chupa e sanger hopi liher. Nan ta “bebe” sanger ongeveer 4 minute generalmente, tin biaha nan ta chupa asina duro cu e por kibra e ader y derama e sanger rond…den e situacion aki e sangura por chupa den paar seconde for di e sanger rondona.

Mane nos a bisa e por tuma minutes, oras pa ripara cu bo a wordo pika pero fuera di esey e hinchamento y grawatamento por keda ongeveer 3 dia, tur esten bo curpa ta produci e antibiotica pa combati e pika/mordi di e sangura. Ta miho pa laga e mordi keto pa no ocasiona mas irritacion y asta infection.

Nos ta urgi pueblo henter pa ta conciente di e peligro cu un pika di sangura por trece cune manera Dengue, Zika y Chikungunya.

Si acaso bo ta sospecha di tin e sintoma nan, hasi un afspraak cu bo docter di cas mesora. Tene rond cas y negoshi limpi. No laga awa para…y si encaso bo no ta sigur ki abo por hasi pa yuda combati e epidemia aki na nos islanan, contacta nos.

 

 

 

 

More 4 posts in Mosquitoes category
Recommended for you
Matanan contra sangura…

Aunke hopi hende sa di e maneranan comun di preveni mordi di sangura, hopi no sa di e manera natural…