Matanan contra sangura…

Aunke hopi hende sa di e maneranan comun di preveni mordi di sangura, hopi no sa di e manera natural cu por yuda tene sangura lew. Den supermercado mastanto bo ta haña hopi repelente cu e contenido toxico “DEET”, cu potentialmente tin efecto peligroso…specialmente serka mucha. Awo cu e mundo ta mas conciente tambe bo por haña DEET-free repelente contra sangura cu ta duna un tiki alivio pa esnan cu ta disfruta di aire liber. Pero tambe tin cierto mata cu ta facil pa crece y tin e efecto di tene sangura lew for di bo hogar y hardin.

Loke ta sigui ta 5 mata cu ta yuda contra sangura:

  1. Citronella  – E ta e ingrediente mas comun cu ta wordo usa den repelente contra sangura. E holor fuerte  cu e ta produci ta camufla e otro holornan cu ta atrae sangura, hasiendo e mas dificil pa sangura localisabo. Aunke citronella ta wordo usa den bela y torcha, e mata ta mas eficiente paso e holor ta mas fuerte biniendo di e fuente original.Centro di hardin mastanto ta bende citronella den potchi chikito, cla pa transporta den uno mas grandi. Citronella ta wordo considera un mata cu hopi tiki mantenimiento necesario manera otro yerbanan y ta crece miho den solo.CitronellaOra di cumpra e mata aki, wak pa e variation berdadera cual ta Cybopogon nardus of Citronella winterianus. Otro matanan por wordo bendi mane  ‘citronella scented’, pero tene cuenta cu esaki no tin e mesun calidad y efecto contra sangura.
  2. MarigoldsE flor oranje aki ta bunita y beneficioso pa tin rond cas. Nan tin e substancia Pyrethrum, cu tin e holor distincto cual insectonan odia.
  3. PeppermintLoke ta hasi peppermint special ta cu no solamente e por yuda preveni sangura den cercania pero cu si acaso e la haña su caminda pa mordebo…bo por frega e blachi fresco di peppermint riba e mordi pa duna un alivio immediato. Otro yerba cu ta yuda ta basil y rosemary.
  4. Horsemint – Tambe conocir como Beebalm, e tin e mesun manera di preveni sangura cu citronella. E ta saka un holor fuerte cu ta confundi e sangura for e holor di su victima. E mata aki ta crece liher, tolerante den sombra y sa di ta resistente den temporada seco y den condicion sala pesey bo por hañanan banda di beach tambe.
    HorsemintHorsemint su blachi por wordo seca y usa pa hasi té herbal, e flor ta atrae abjea y barbulet denbo hardin y ne mes momento aleha sangura.
  5. Lavender – E mata biña ak ta hopi popular, di bela, habon y hasta colognia. E ta “famia” di mata di menta y un holor cu hopi hende gusta. Pero pa insectonan, incluiendo sangura…e ta uno cu ta wordo evita. No ta e mata mes pero e azeta cu tin den e mata cu ta tene sangura lew.

Aunke sangura ta evita di tin contacto directo cu e mata nan menciona, no tin suficiente evidencia cu nan tin un impacto for di lew of den tempo largo. Pa es motibo ta importante pa proteha bo mes tambe fuera di e ayudo di e mata nan aki.

Si bo ta sinti cu e situacion di sangura ta for di control, jama nos pa un inspection gratis y hunto nos por logra combati criadero di sangura den nos communidad.

 

More 4 posts in Mosquitoes category
Recommended for you
sangura D.A.L. Pest Control
Loke ta pasa ora sangura pika bo.

Sangura ta un insecto cu ta disimula y molestia. Hopi biaha bo ta ripara cu bo a wordo pika te…