Preveni infestacion di raton y djaka!
Problema di djaka y raton den of rond di cas?
Un decision sabi ta pa controla e situacion prome ku e bira un infestacion, dunando bo stress y riba dje dificil pa controla. E dos animalnan aki ta move hopi liher y por drenta y sconde den espacio hopi chikito ku ta casi imposibel pa por waknan. Pero sin embargo nan casi semper ta lagra rastro di evidencia atras.
Raton y djaka no ta solamente un molestia ku ta destrui material, consumi y contamina alimentonan, sino tambe e ta transmiti y causa enfermedad. Pe es motibo preveni ta mihor ku lamenta.
E jabi pa cualkier programa di control di raton y djaka ta e identification di dje.
- Raton y djaka ta laga senja di nan presencia principalmente lugarnan unda nan ta alimenta.
- E territorio di e raton ta relativamente chikito, e ta stranjo si e surpasa 6 meter lew di unda e ta come.
- Bo por tende nan hasi zonido generalmente anochi, ja ku ta den anochi ta momento ku nan ta hasi mas actividad.
- Raton y Djaka gusta hasi nan neishi usando articulonan cu nos tin den cas, por ehempel tela of papel.
- Generalmente nan ta laga sushi(pupu) alrededor di nan cuminda, chikito y cu forma di un pipita di aros.
Man Robes: pupu di kakalaka Man Drechi: pupu di raton
